ტრენინგის მე-5 დღე

 დღეს გავეცანით მე-3 და მე-4 მოდულებს : კავშირები და სასწავლო ნიმუშების შექმნა თავისი აქტივობებით, შევავსეთ გამოყენებული ლიტერატურის მარტივი ფორმატი, მოვიძიეთ ინტერნეტით ჩვენი პროექტისათვის საჭირო ფოტო და ვიდეო მასალა. საშინაო დავალებად უნდა ვიმუშაოთ მოსწავლის სავარაუდო ნაშრომზე და პროექტის პროცედურებზე.

ტრენინგის მე-4 დღე

ტრენინგი აქტიურ რეჟიმში მიმდინარეობდა. დღეს ვიმუშავეთ შეფასების განსაზღვრაზე მოსწავლეთა საჭიროებების დასადგენად,  გავეცანით განმავითარებელი და განმსაზღვრელი შეფასების მიზნებს, სასწავლო პროექტის გეგმაში შევიტანეთ შეფასების მეთოდები და ინსტრუმენტები, შევავსეთ შეფასების მოკლე ჩანახაზის გრაფა, გავიხსენეთ  PowerPoint-ში მუშაობა.

ტრენინგის მესამე დღე

 ტრენინგი საინტერესოდ წარიმართა, ყველა აქტიური და მოტივირებულები  ვიყავით,  ძირითადად ვიმუშავეთ სასწავლო პროექტის გეგმაზე, შევიტანეთ საგნობრივი სტანდარტი,ჩამოვაყალიბეთ სასწავლო პროექტის მიზნები, მოვუსმინეთ ერთმანეთის მოსაზრებებს,  განვსაზღვრეთ სასწავლო პროექტის ზოგადი, თემატური და შინაარსობრივი კითხვები.

მიმართულების მიმცემი საკვანძო კითხვები
ზოგადი კითხვა	როგორ ასახავს კულტურა ქვეყნის სახეს.
თემატური კითხვები	რა მომწონს და რა არ მომწონს ჩემი ქვეყნის  ტრადიციებიდან?  რა ვიცი სხვა ქვეყნების ტრადიციებსა და წეს-ჩვეულებებზე?
შინაარსობრივი კითხვები	რა ვიცით გერმანიის, ავსტრიის და შვეიცარიის წეს-ჩვეულებებსა და ტრადიციებზე?

ტრენინგის მეორე დღის რეფლექსია

21-ე საუკუნეების უნარ-ჩვევები
       


                                                                  რეფლექსია

   ტრენინგის მეორე დღე იყო საინტერესო და სახალისო,  გავეცანით პუბლიკაციის მომზადებას პროექტებით სწავლების თემაზე, გამოცემის მომზადებას, Drive-ში დოკუმენტის ატვირთვას და გაზიარებას, ლინკის ბლოკზე დადებას.... გავიხსენეთ Word-ში ცხრილებზე და დიაგრამებზე მუშაობა. საშინაო დავალებად მოგვეცა ჩვენ მიერ შერჩეული პროექტისთვის შესაბამისი საგნობრივი  სტანდარტებისა და ინდიკატორების შერჩევა.
  ტრენინგი  აქტიურ რეჟიმში მიმდინარეობდა.
   

ტრენინგის პირველი დღის რეფლექსია

    2018 წლის 21 აგვისტოს ზესტაფონის N2 საჯარო სკოლაში   დაიწყო  Intel-ის ტრენინგები.  პირველი დღე ძალიან საინტერესო იყო. ქალბატონმა შორენა ბადურაშვილმა გაგვაცნო ტრენინგის მიზნები, საორგანიზაციო საკითხები, ლექცია დატვირთული იყო პრაქტიკული აქტივობებით, რაც ტრენინგს უფრო სახალისოს და საინტერესოს ხდიდა. გავიხსენეთ ბლოგის შექმნა და ბევრი პატარა ნიუანსი, რომელიც დავიწყებული გვქონდა. გავეცანით Viewer-ის სახელმძღვანელოს და მისი გამოყენების საჭიროებებს, შევქმენით საქაღალდე, სადაც გადავიტანეთ პროექტებით სწავლებისთვის საჭირო რესურსები, ჩეკლისტები, გეგმის შაბლონები და ნიმუშები.
    მიმაჩნია, რომ დღევანდელი დღე ძალიან  ნაყოფიერი იყო.